2022 वर्साचो प्रतिश्टेचो ज्ञानपीठ पुरस्कार फावो जाल्ले खातीर भौ. दामोदर मावजो हांचो नागरी सत्कार 7 मे 2022 दिसा रवीन्द्र भवन, मडगांव हांगा जातलो. ही कार्यावळ सांजेच्या 4.30 वरांचेर जातली.
ह्या सत्कार सुवाळ्याक जेश्ठ पत्रकार आनी द हिन्दू पब्लिशिंग ग्रुपाचे संचालक भौ. एन. राम मुखेल सोयरे म्हणून हजर रावतले. जेश्ठ साहित्यीक ॲड. उदय भेंब्रे, लेखक आनी अनुवादक भौ. जुझे लोरेन्सो तशेंच उच्च शिक्षण संचालनालयाचे संचालक भौ. प्रसाद लोलयेंकार ह्या वेळार दामोदर मावजो हांचेर उलोवपां करतले.
कोवीडाच्या परिस्थितीक लागून जानेवारींत जावपी हो सुवाळो आयोजकांक मुखार धुकलचो पडिल्लो. मात आता व्हडा उमेदीन हो सुवाळो आयोजीत केला, तेन्ना ह्या सत्काराच्या सुवाळ्याक गोंयकारांनी व्हडा संख्येन हजर रावन दामोदर मावजो हांकां मेळिल्लो हो भोवमान मनोवचो असो उलो आयोजकांनी मारला.
