विजू प्रोडक्शन या निर्मिती संस्थेची अजून एक संगीत निर्मिती आशिल्या ” हे मोगां, सांग म्हाका..” ह्या म्युझिक चित्रफितीचे लोकार्पण सुवाळ्याचो कार्यक्रम १४ जानेवारी या दिसा दबाज्यान जालो.
गोय मनरिजवण संस्थेच्या उपाध्यक्ष आनी शिवोली मतदारसंघाच्यो आमदार श्रीमती डेलायला लोबो हांचे हस्तुकी ध्वनी चित्रफितीचे उक्तावण जाले.
जायते प्रेक्षक, मानेस्त आनी नामनेचे कलाकार यावेळार हाजीर आशिल्ले. हे मोगा, सांग म्हाका ही चित्रफीत आता निलय नायक हांचे अधिकृत यूट्यूब चॅनलाचेर उपलब्ध आसा. या गीताचे गीतकार आनी संगीतकार निलय नायक हेच जावन आसा आनी संगीताची वेवस्था आनी गायन ही बाजू शिव नायक हाणी सांभाळील्ली आसा.
रोहित बांदोडकर हांचे तबल्याची साथ या गीताक मेळील्ली आसा. गीत बसोवपी वा दिग्दर्शक म्हूण संग्रामसिंह गायकवाड तर उर्वी रानडे हाणी सहदिग्दर्शक म्हूण जबाबदारी हाताळील्ली आसा. देव नायक हाणी चित्रीकरणाची बाजू बेस बरी सांभाळील्ली आसा.
ह्या म्युझिक ध्वनी चित्रफितीचे मुखेल कलाकार जावन आसात श्रिया टेंगसे आनी यशराज कर्पे. तांत्रिक बाजू रीनू जॉर्ज, संध्या नावीक, प्रशुभ नाईक आनी सुदेश निपाणीकर हाणी सांभाळील्ली आसा. शिवप्रसाद किनाळेकर हांचो पोस्टर आनी चित्रां तयार करपाक वाटो आसा. ह्या गीताक लागून मुखेल आर्थिक दाते जावन आसात सूर्या ज्वेलर्स आनी अंता ज्वेलर्स. हेर दाते जावन आसात कोहिनूर ऑप्टीशियन्स, साळगावकर स्टुडिओ, राजश्री इव्हेंट, गोगोळ केमिस्ट आनी ड्रगिस्ट, शेट कन्स्ट्रक्शन, भिंगी केटरर्स, माऊंट रॉक, पेस्ट्री पॅलेस, उबेदुल्ला खान, इको गोवा आनी इन्सर्वर.
