कोंकणी भाशा मंडळाच्या 2023-26 ह्या कार्यकाळा खातीर नवे कार्यकारणी समिती खातीर वेंचणूक एप्रील म्हयन्यांत जातली. मंडळाच्या हालींच जाल्ले कार्यकारणीचे बसकेंत शिक्षक भौ. रुपेश कामत हांची वेंचणूक अधिकारी म्हणून नेमणूक जाल्या.
वेंचणुकेचें वेळापत्रक सकयल दिल्ले प्रमाण आसा:
10 एप्रील ते 15 एप्रील- अर्ज व्हरप
17 ते 22 एप्रील- अर्ज भरून सादर करप
24 एप्रील- अर्जांची छाननी
25 ते 26 एप्रील- अर्ज फाटीं घेवप
30 एप्रील- कार्यकारणी समितीची वेंचणूक
7 मे- तालुका प्रतिनिधींची वेंचणूक
वेंचणुकेचे अर्ज कोंकणी भाशा मंडळाच्या विद्यानगर, मडगांवच्या कार्यालयांत सकाळीं 09.30 ते सांजेच्या 6.00 वरां मेरेन मेळटले. आयतार आनी सुटयेच्या दिसांनी कार्यालय बंद आसतले.
एका अर्जदाराक एकूच अर्ज व्हरपाक मेळटलो अशें वेंचणूक अधिकारी भौ. रुपेश कामत, हाणें उजवाडायिल्ल्या प्रसिद्धी पत्रकांत म्हणलां.
