डॉ. रेवणसिद्ध रामनाथ नायक हांकां कोंकणी भाशा मंडळान आर्गां ओंपल्यांत. डॉ. रेवणसिध्द रामनाथ नायक हांकां काल मरण आयलें. फाटल्या कांय दिसां सावन ते दुयेंत आशिल्ले.
डॉ. रेवणसिध्द रामनाथ नायक हाचो जल्म 20 ऑक्टोबर 1971 दिसा सांग्यार जालो. ल्हानपणा सावन कोंकणी नाटक आनी संगिताचें तांकां खूब आकर्शण. कोंकणी गीत संगिताचें बारीकसाणीन निरिक्षण करून ते स्वता गीत रचून तशेंच संगीतबद्द करून सादर करपाक लागले.
इश्कोलाक आसतना णवे यत्तेंत आसतना गोंय शाहीर उल्हास बुयांव हांच्या मंगळूरच्या शारांत एक चेडूं देखिला ह्या गिताचे धरतेर सोबीत आमच्या सांग्यार मोगाळ आमचो लोक अशें एक गीत रचून इश्कोलांत सादर केल्लें.
एक कवी, नाटककार, अभिनेतो, दिग्दर्शक, वक्तो आनी एक कुशळ सुत्रसंचालक असो अश्टतासी कलाकार. एक कुशळ लोकप्रिय संघटक अशी तांची वळख आशिल्ली. हालींच तांकां कोंकणी भाशा मंडळाचो विन्सी क्वाद्रूस पुरस्कृत जुझे पियेदाद क्वाद्रूस यादस्तीक कार्यकर्तो पुरस्कार फावो जाल्लो.
तांच्या मरणान एक सर्जनशील कलाकार आनी कुशळ संघटक आमच्यांतल्यान खूब बेगीन ना जालो अशें तांकां आर्गां दितना मंडळाची अध्यक्ष अन्वेषा सिंगबाळ हांणी म्हणलां.
