आयचे संमेलनात येवपी भुरग्यांमदी लेखनाची आनी साहित्याची वीज आसता. अशे संमेलनात येयल्या उपरांत खंयतरी ती वीज पेट घेता आनी भुरग्यांचे साहित्यिक प्रतिभा हांका वाट मेळटा. ती कीट पेट घेता आनी भुरग्यांचे साहित्यिक प्रतिभा हांका वाट मेळटा. ती कीट पेटोवपाक लागूनच अशी संमेलनां गरजेची आसतात. अर्थपुर्ण जीण जगपाक साहित्य हे खूब म्हत्वाचे आसा, अशे मत गोवा मराठी अकादमीचे अध्यक्ष प्राध्यापक अनिल सामंत हाणी उक्तायले. खांडोळा, माशेल हांगा सरकारी म्हाविद्यालयात आयोजित केल्ल्या कुमार साहित्य संमेलनात ते उलयताले.
कुमार साहित्य संमेलनाचे उद्घाटन सत्राक हे वेळार व्यासपीठाचेर उद्घाटक म्हूण शासकी म्हाविद्यालय, खांडोळे संस्थेचो प्राचार्या डॉ पुर्णकला सामंत, सत्राच्यो अध्यक्ष म्हूण म्हाविद्यालयाची विद्यार्थिनी संपूर्ण भगत, डॉ. सुनेत्रा करगुटकर, साहित्यिक आनी गोवा मराठी अकादमी संस्थेचे संचालक चंद्रकांत महादेव गावस, म्हाविद्यालयाच्यो उपप्राचार्या डॉ. डीलेक्टा, शिक्षणीक विभागाच्यो उपप्राचार्या डॉ. आशा गेहलोत ह्यो हे वेळार हाजीर आशिल्ल्यो.
सुनेत्रा करगुटकर हाणी प्रास्ताविक आनी येवकाराचे उलोवप केले. दुमती कुंभार हाणी मानेस्तांची वळख करून दिली. दुर्गा जांभळे हाणी येवकाराचे उलोवप केले. सामंत सर हाणी, संसारात जे उलयता ते आयकुपाची आनी उलयना तेवूय बी आयकुपाची शक्त जागोवप आनी संवसारातली निर्जीव वस्तू बी जर आपलेकडेन उलयता ते आमका कळे जाल्यार तुमचे भितरलो साहित्यिक जागो जातलो, अशे स्वामी विवेकानंद आनी रामकृष्ण परमहंस हांचे मदलो संवादाचो दृष्टांत दिवन फुडें उलयतना सांगले.
चंद्रकांत गावस हाणी उलयतना मराठीतले कथाकार पु. शि. नार्वेकर, सोमनाथ कोमरपंत, के. ज. पुरोहित हांची उदाहरणां दितना साहित्यात वावर करतना गुरू सोदचो पडटा, अशे म्हटले. पुर्णकला सामंत, संपूर्णा भगत हाणीय बी आपले विचार उक्तायले. उद्घाटनाचे उपरांत कथावाचन सत्र जाले. नारायण महाले हांचे अध्यक्षपद आशिल्ल्या हे सत्रात भुरग्यांनी आपल्यो कथा सादर केल्यो. दुसरें सत्रात मीना समुद्र हांचे अध्यक्षतेखालां कविता सादर जाल्यो. तिसरे सत्रात डॉ. गीता गावस हांचे अध्यक्षतेखालां ललित लेखन सादर जालें.
🖋️
सनतकुमार फडते
