‘ईथरनेट एक्सप्रेस’ हे गोयचे फामाद इंटरनेट सेवा दिवपी ” इंटरनेट सर्व्हिस प्रोव्हायडर” (ईएसपी) कंपनीचे कार्यालय आता बेळगाव हांगाय बी सुरू जाता. ते लागून गोयात आशिल्ले इंटरनेट वापरपी गिरायकांबराबर आता बेळगावी हांगा रावपि सर्वसादारण नागरिकांक आता ईथरनेट एक्सप्रेसचे सेवेचो लाव आता घेवपाक मेळटलो.
आयज १० मे २०२५ हे दिसां बेळगावी हांगा आशिल्ल्या सदाशिव नगर हांगा एमपीएमसी रस्त्याचेर धनश्री कॉम्प्लेक्सचे आवारात सांचे ७ वरांचेर हे कार्यालयाचे उक्तावण जातले. मुखेल सोयरे म्हूण कर्नाटकचे भौशिक बांधकाम मंत्री सतीश जारकीहोळी हांचे हस्तुकी कार्यालयाचे उक्तावण जातले. आमदार अशोक पट्टन, आमदार आसिफ (राजू ) सैत, आमदार अभय पाटील आनी आमदार विश्वास वैद्य हे वेळार हाजीर आसतले.
ईथरनेट एक्सप्रेस कंपनीचे संस्थापक आनी वेवस्थापकी संचालक (एमडी) सागर गोवेकार हांचे म्हणणे आसा, बेळगावी हांगचे जनतेक फकत परवडपी वा स्वस्त दरात इंटरनेट कनेक्टव्हिटी दिवप, इतकेच केवळ हे कार्यालय सुरू करपाचो उद्देस न्हय, तर नव्या जमान्यातल्यो एक्सप्रेस गेट, एजकॉम आनी एक्स आईओटी ह्या कंपनीचे वतीन दिल्ले वचपी नव्यो आधुनिक टेक सोल्यूशन सेवा दिवप, हो उद्देशय बी हाचें फाटल्यान आसा.
गोयसारकील्ले राज्यात गेली जायती वर्सा इंटरनेट सेवा दिवपी ” ईथरनेट एक्सप्रेस ” कंपनीचे गोयात ३५ हजारांहून चड थळावें इंटरनेट वापरपी गिरायक आसात. ५०० परस चड उद्देगांक ईथरनेट एक्सप्रेस सेवा दिता. गोयचे चडशे भागांनी इंटरनेट सुविधा बऱ्या गतीन दितात म्हूण समाधान उक्तायल्ले आसा. आता बेळगावी हांगा नवे कार्यालय सुरू जाता, तेच्या निमतान गोयाचे भायर पयले कार्यालय उक्ते जाता, हाचे गोयचे उद्देग विश्वातल्यान उमेदीन स्वागत जायत आसा आनी कंपनीक सगलें स्तरांनी परबी दिवप सध्या सुरू आसा.
– सनतकुमार फडते
