भास ही सतत बदलत आसता. भाशेचें व्याकरण आनी शुद्धलेखन नेम आसता. ह्या नेमांत गरज दिसता तेन्ना फावो ते बदल जावपाक जाय. ताका लागून, गोवा कोंकणी अकादेमीन काडिल्ले कोंकणी शुद्धलेखनाचे नेम (पांचवी आवृत्ती) हाचे संदर्भांत फेरविचार करपाचें थारायलां. कोंकणी शुद्धलेखनाचे 31 नेम आसात. ह्या नेमांत सुदारणा वा बदल वा दुरुस्ती करपा संदर्भांत कोणाच्योय सुचोवण्यो आसल्यार त्यो कोंकणी भाशा मंडळ, गोंयाक धाडच्यो. लोकां कडल्यान आयिल्ल्यो सुचोवण्यो, शुद्धलेखन नेमाचेर फेरविचार करूंक घडयल्ली समिती विचारांत घेवन ताचेर भासाभास करतली. ह्यो सुचोवण्यो 20 नोव्हेंबर मेरेन धाडच्यो अशें मंडळान मागलां.
konkanibhashamandal.goa@gmail.com ह्या ईमेल आयडीचेर वा कोंकणी भाशा मंडळ, कोंकणी भवन, शंकर भांडारी मार्ग, डी.सी.आय फार्मासुटिकल्सा लागसार, विद्यानगर, मडगांव, गोंय, 403601 ह्या नाम्याचेर तुमच्यो सुचोवण्यो धाडूं येता अशें कोंकणी भाशा मंडळा वतीन मंडळाची अध्यक्ष अन्वेषा सिंगबाळ हांणी काडिल्ले प्रसिद्धी पत्रकांत म्हणलां.
