केपेंच्या सरकारी कला, विज्ञान आनी वाणिज्य महाविद्यालयाच्या कोंकणी अभ्यास मंडळाचे नवे समितीची स्थापना हालींच जाली. एम. ए. भाग 2चे विद्यार्थी रिमी वाझ हाची अध्यक्ष म्हणून नेमणूक जाली. जाल्यार एम. ए. भाग 1चे विद्यार्थी सुचीता बांदेकार हाची सचीव आनी एम. ए. भाग 2चे विद्यार्थी मेल्विटा फेर्नांडीस हाची भांडारी म्हणून नेमणूक जाली.
महाविद्यालयाचे प्राचार्य डॉ. जॉयदीप भट्टाचार्य हांणी नवे समितीक पदाचो बॅच दिवन कार्यभार सोंपलो. कोंकणी अभ्यास मंडळान कोंकणी मळार वावर चालू दवरचो अशें म्हणून प्राचार्य डॉ. जॉयदीप भट्टाचार्य हांणी समितीक शुभेच्छा दिली. ह्या सुवाळ्याक कोंकणी विभागाचे मुखेली प्रो. डॉ. राजय पवार, प्रा. सुशांत नायक, डॉ. राखी आमोणकार, प्रा. एडना वाझ, प्रा. दिपराज सातार्डेकार, प्रा. शमिका बाळ्ळीकार, प्रा. आशा गांवकार , हे शिक्षक वर्ग हाजीर आशिल्ले. ही कार्यावळ केपेंच्या सरकारी महाविद्यालयांत हालींच जाली.
महाविद्यालयाच्या एम.ए. विभागांत शिकपी विद्यार्थ्यांनी 2018 वर्सा कोंकणी अभ्यास मंडळाची स्थापना केल्ली. ह्या मंडळा वतीन, आंतर महाविद्यालयीन सर्गेस्त कवी रमेश वेळुस्कार यादस्तीक कोंकणी कविता सादरीकरण सर्त जाता. ताचे भायर, वेगवेगळ्या मानेस्तांचीं व्याख्यानां मंडळ आयोजीत करता.
