कोंकणी भाशा मंडळाची वर्सुकी सर्वसादारण बसका आयतारा, 25 जून 2023 दिसा, सकाळीं 10.00 वरांचेर जातली. ही बसका कोंकणी भवन, विद्यानगर, मडगांव हांगा जातली. ह्या वेळार 2023-2026 कार्यकाळा खातीर मंडळाची नवी समिती ताबो घेतली. तशेंच वर्सुकी हिशेब (audited statement) तशेंच कार्यक्रमांचो अहवाल मान्यताये खातीर सादर जातलो. 2023 खातीरचे अंदाजपत्रक तशेंच फुडाराच्या कार्यावळींचो अहवाल ह्या वेळार सादर जातलो. 10.00 वरां मेरेन गणसंख्या (कोरम) जाली ना जाल्यार बसका 10.30 वरांचेर सुरू जातली.
कोंकणी भाशा मंडळाच्या सगळ्या वांगड्यांनी हे बसकेक हजर रावचे अशी मागणी सचीव उल्हास गांवकार हांणी केल्या.
