पुणेच्या निगडी शारांत आयोजीत केल्ल्या 34व्या अखिल भारतीय कोंकणी अधिवेशनाची येवकार अध्यक्ष म्हणून अश्विनी कुलकर्णी हांची एकमतान निवड जाल्या. आयोजन समितीचे बसकेंत हो निर्णय जालो. अखिल भारतीय कोंकणी परिशदेन आयोजीत केल्लें हें अधिवेशन 14 आनी 15 नोव्हेंबर 2026 दिसा पुण्यांत यशवंतराव स्मारक समितीच्या सभाघरांत जातलें. आल्फी मोंतेरो हे अधिवेशनाचे कार्याध्यक्ष आसतले आनी गोविंद मोपकार हे सरचिटणीस आसतले.
अधिवेशनाक पुणेंतल्या औद्योगिक तंत्र शिक्षण संस्थेन जोड पालव दिला. तशेंच गोंय सरकाराच्या राजभाशा संचालनालयान अर्थीक आदार दिला. अधिवेशना खातीर गोंय, कर्नाटक, महाराष्ट्र आनी केरळांतल्यान प्रतिनिधी नोंद जाल्यात. पुणेंतल्यो विंगड विंगड संस्था हें अधिवेशन यशस्वी करपा खातीर वावुरतात. अधिवेशना खातीर नांव-नोंदणी अजुनूय करपाक मेळटा. पूण रावपाची वेवस्था स्वता करची पडटली. नांव-नोंदणी करपाची गुगल लिंक – https://forms.gle/83Lv9F22Z9tBr5jx
