कोंकणी भाशा मंडळ, गोंय अंदूंच्यान कोंकणींत एम. ए. करपी पयल्या वर्साच्या विद्यार्थ्यांक 5 शिश्यवृत्त्यो जाहीर करता. ह्यो शिश्यवृत्त्यो दरेकी 10 हजार रुपयांच्यो आसतल्यो. शिश्यवृत्ती खातीर सकयल दिल्ले नेम लागू जातले. इत्सूक विद्यार्थ्यांनी अर्ज आनी हेर कागदपत्रां मंडळाच्या konkanibhashamandal.goa@gmail.com ह्या ई-मेल नाम्याचेर वा कोंकणी भाशा मंडळ, शंकर भांडारी मार्ग, विद्यानगर, मडगांव गोंय, 403601 ह्या नाम्याचेर 15 फेब्रुवारी मेरेन धाडून दिवचे. शिश्यवृत्ती मेळोवपी विद्यार्थ्यांक मंडळ एका वर्साच्या कार्यकाळा खातीर कोंकणी भाशे कडेन संबंदीत एक प्रकल्प दितलें. तो तांणी एकठांय येवन पुराय करचो पडटलो.
पात्रतायेचे निकश :
1. अर्जदार गोंयांतले मान्यताय प्राप्त संस्थेंत एम. ए. कोंकणीच्या पयल्या भागांत (पयलें वर्स) शिक्षण घेवपी आसूंक जाय.
2. अर्जदाराची कुटुंबाची येणावळ वर्साक 3,50,000/- रुपयां परस चड आसूंक फावना.
अर्ज करपाची प्रक्रिया:
1. इत्सूक विद्यार्थ्यांनी शिश्यवृत्तीची गरज मांडपी अर्जीपत्र सादर करूंक जाय.
2. अर्जदारांनी आपलें शिक्षणीक आनी फुडाराचें ध्येय, कोंकणी भास आनी संस्कृताये कडेन आशिल्ली तांची वचनबद्धताय, शिश्यवृत्तीचो तांकां कसो फायदो जातलो हाची माहिती दिवपी संक्षिप्त निबंद वा वैयक्तीक विधान सादर करचें पडटलें.
गरजेचीं कागदपत्रांः
– आधार कार्डाची स्वयं-प्रमाणीत प्रत
– येणावळ प्रमाणपत्र
– जल्म दाखल्याची स्वयं-प्रमाणीत प्रत (एका वर्सां भितरली प्रत)
– गुणपत्रिकांच्यो स्वयं-प्रमाणीत प्रती (धावी, बारावी आनी पदवी)
– एम. ए. पयल्या वर्सा फारीक केल्ल्या शुल्काची प्रमाणीत प्रत
– विद्यार्थ्याच्या बँक खात्याची प्रत
– हॉस्टेल प्रमाणपत्र (लागू आसल्यार)
– पासपोर्ट आकाराचो फोटो
– अर्जदारान स्वता बरयल्लो निबंद वा वैयक्तीक विधान
निवड प्रक्रिया:
– शिश्यवृत्ती समिती अर्ज आनी सादर केल्ल्या कागदपत्रांच्या आदाराचेर नियाळ घेतली.
– शिक्षणीक योग्यताय, अर्थीक गरज आनी विद्यार्थ्याच्या फुडाराच्या ध्येयांचेर आदारीत निवड आसतली.
– गरज पडल्यार समिती विद्यार्थ्याच्या घरा भेट दिवन चांचणी करतली.
– प्रमाणपत्रांची अस्सल प्रत मागोवन तपासणी करपाचो अधिकार मंडळाक आसतलो.
– शिश्यवृत्ती दिवपाचो वा न्हयकारपाचो अधिकार मंडळा कडेन आसतलो.
