कोंकणी भाशा मंडळान आपले वर्सुकी पुरस्कार 2025 जाहीर केल्यात.कोंकणी भाशा मंडळांत आयोजीत केल्ले पत्रकार परिशदेंत हे पुरस्कार जाहीर जाले. हे पुरस्कार कोंकणी भाशा मंडळाच्या 63व्या वर्धापन दिसा भेटयतले. हो सुवाळो 30 सप्टेंबर 2025 दिसा सांजवेळा 4 वरांचेर राजीव कला मंदिर, फोंडा हांगा जातलो.
कोंकणी भास मंडळाचे पुरस्कार अशे आसात-
कोंकणी भाशा मंडळ पुरस्कृत सेवा पुरस्कार शिवनाथ नागेशकार आनी उल्हास पै भाटीकार.
सराफीन कॉता हांणी पुरस्कृत केल्लो फेलिसियो कार्दोज यादस्तीक शिक्षक पुरस्कार एच् मनोज आनी विजय सरदेसाय पुरस्कृत माधवी सरदेसाय यादस्तीक शिक्षक पुरस्कार डॉ प्रकाश पर्येंकार हांका फावो जाला
दिनेश मणेरकार पुरस्कृत चंद्रकांत केणी यादस्तीक स्तंभ लेखन पुरस्कार सखाराम बोरकर
लिगोरीओ फुर्ताडो ट्रस्ट पत्रकारिता पुरस्कार डॅनियल डिसोझा
विन्सी क्वाद्रूश हांणी पुरस्कृत केल्लो जुझे पिएदाद क्वाद्रूश यादस्तीक युवा कार्यकर्तो पुरस्कार प्रसाद पांगम आनी फ्रांसिस फर्नांडीस हांकां फावो जाला.
फादर मॉरीन डीसोझा युवा साहित्य पुरस्कार ग्लिनिस डायस
उल्हास ज्युवेलर्स पुरस्कृत श्री उल्हास आणि मिता वेर्लेकर युवा उद्दोजिका पुरस्कार व्हेनीस आल्मेदा.
बाल साहित्य पुरस्कारा खातीर योग्य पुस्तकां नाशिल्ल्यान परिक्षकांच्या पॅनेलान नांव सुचयलें ना.
श्रीधर कामत इश्ट परिवार पुरस्कृत श्रीधर कामत यादस्तीक साहित्य पुरस्कार आर्माद फर्नांडीस हाच्या ‘पुला पलतडी’ ह्या पुस्तका खातीर
उदय देशप्रभू हाच्या ‘संघर्ष काणी’ ह्या चरित्रात्मक पुस्तकाक रॉक बोरेटो साहित्य पुरस्कार.
कोंकणी भाशा मंडळ पुरस्कृत रमेश वेळुस्कार यादस्तीक पुरस्कार चेतन आचार्य हांच्या ‘यादिंचो गांव’ ह्या पुस्ताकाक
दिनेश मणेरकार पुरस्कृत रामनाथ मणेरकार यादस्तीक अणकार पुरस्कार शैलेंद्र मेहता हांणी अणकारीत केल्ल्या ‘मुंबयचो वेपारी’ पुस्तकाक.
2025 वर्साच्या पुरस्कारा खातीर परिक्षक मंडळांत सकयल दिल्ल्या व्यक्तींचो आस्पाव आशिल्लो. सेवा पुरस्कार कमलाकर म्हालशी, वसंत भगवंत सावंत, डॉ नारायण देसाय;
पत्रकारिता पुरस्कार विन्सी क्वाद्रूश दिलीप बोरकर, प्रमोद आचार्य; शिक्षक पुरस्कार काश्मीरी पावसकार, डॉ भूषण भावे, सुनिता काणेकार, अनंत अग्नी, दिलीप नायक, सुदेश नायक, कोंकणी कार्यकर्तो पुरस्कार प्रशांत नायक, सेराफिनन कॉता, चेतन आचार्य; साहित्य पुरस्कार डॉ किरण बुडकुले, प्रशांती ताळपणकार, डॅनियल वाझ; युवा साहित्य पुरस्कार अंजू सखरदांडे, अनंत अग्नी, फा लुईस
बाल साहित्य पुरस्कार नयना आडारकार, हर्ष शेट्ये, योगिनी आचार्य, युवा उद्देजक पुरस्कार राजेश प्रभु, पराग लोलयेंकार, राधाकांत दिवकार.
कोंकणी भवन, मडगांव हांगा जाल्ले पत्रकार परिशदेंत वर्सुकी कार्यावळीचो पुराय कार्यक्रम आनी पुरस्कार विजेत्यांची वळेरी जाहीर जाली. पत्रकार परिशदेंत अध्यक्ष रत्नमाला दिवकार आनी सचीव मंगलदास भट हांणी संबोधन केलें.
