कोंकणी भाशा मंडळ आनी युवा जैतीवंत दिवचल आयोजीत 26व्या गोवा युवा महोत्सवा खातीरची कार्यशाळा 14 जानेवारी 2025 दिसा रातीं 8.00 वरांचेर जातली. ही कार्यशाळा ऑनलायन माध्यमांतल्यान जातली. ही कार्यशाळा सगळ्या सर्तक पंगडांच्या आनी शिक्षणीक संस्थांच्या उण्यांत उण्या दोन प्रतिनिधींक सक्तीची आसा. पंगडांच्या आनी शिक्षणीक संस्थांच्या मुखेल्यांनी कार्यशाळेंत वांटो घेवंक जाय. कार्यशाळेक हाजीर रावंक नाशिल्ल्या पंगडांक आनी शिक्षणीक संस्थांक महोत्सवांत कसलीच कागाळ करपाचो हक्क आसचो ना.
महोत्सवांत कमीत कमी 5 सर्तींनी सक्तीन वांटो घेवंक जाय. महोत्सवांत आयोजीत जावपी नव्या सर्ती विशीं तशेंच कांय सर्तींतल्या नेमांनी केल्ल्या बदला विशीं कार्यशाळेंत सविस्तर माहिती दितले. कार्यशाळेंत वांटो घेवंक गुगल लिंक – https://meet.google.com/bnm-ugqr-mpz
मजगतीं, 26व्या गोवा युवा महोत्सवा खातीर नांव-नोंदणी करपाची तारीख वाडयल्या. 16 जानेवारी 2025 दिसा रातीं 12.00 मेरेन नांव-नोंदणी करूं येता. 17 जानेवारी 2025 दिसा रातीं 12.00 मेरेन नांव-नोंदणी केल्ल्या सर्तकांचे 5 गूण वजा जातले. 18 जानेवारी 2025 दिसा रातीं 12.00 मेरेन नांव-नोंदणी केल्ल्या सर्तकांचे 10 गूण वजा जातले. ते उपरांत, नांव-नोंदणी स्विकारचे नात. ब्रोशर (कार्यावळ पत्रिका) मंडळाच्या www.konkanibhashamandal.com ह्या संकेतथळाचेर उपलब्ध आसा.
तशेंच, 18 जानेवारी 2025 दिसा मेरेन रंगीत खोमीस हे सर्ती खातीरचे डिजिटल आर्टवर्क ई-मेलाचेर dhyaskonkani@gmail.com हाचेर पावंक जाय. सर्तींत वांटो घेवंक प्रतिज्ञापत्र दिवपाची सक्ती आसा. ना जाल्यार प्रवेशिका मान्य जावची ना. प्रतिज्ञापत्र मंडळाच्या संकेतथळाचेर उपलब्ध आसा.
26वो गोवा युवा महोत्सव 25 आनी 26 जानेवारी 2025 दिसांनी सर्वण दिवचलच्या नारायण झांटये वाणिज्य म्हाविद्यालयांत जातलो.