कोंकणी भाशा मंडळ संचालीत विद्याभुवन कोंकणी शाळेची पालक शिक्षक संघाची वर्सुकी साबार बसका शेनवार,ता.24 जून 2023 ह्या दिसा विद्याभुवन कोंकणी शाळेंत सांजवेळा 3: 30 वरांचेर घडून आयली.
ह्या बसकेंत कोंकणी भाशा मंडळाची अध्यक्ष भो.अन्वेषा सिंगबाळ, शाळा वेवस्थापन समितीचे अध्यक्ष भो. चेतन आचार्य, वेवस्थापक भो. अनंत अग्नी शाळेची मुख्याध्यापिका अक्षता व्यास, शिक्षक प्रतिनिधी विशाल खांडेपारकार, पालक शिक्षक संघाची अध्यक्ष भो. स्मिता आळवे व्यासपिठार हाजीर आसली. ह्या वेळार पालक शिक्षक संघाची अध्यक्ष भो. स्मिता आळवे हांणी सगळ्यांक येवकार दिलो. बसकेच्या सुरवातेक पालक शिक्षक संघाचे उपाध्यक्ष शशीराज नायक शिरोडकार हाणी वर्सुकी हिशेब मांडलो. शिक्षक विशाल सिनाय खांडेपारकार हाणी वर्सुकी वावराचो नियाळ आनी पालक शिक्षक संघाचे वांगडी समीर अवदी हाणी वर्सुकी अहवाल बसके मुखार दवरलो.
अध्यक्षांच्या मान्यतायेन नवी समितीची वेंचणूक जाली .आनी भो. विणा कंटक हिची अध्यक्ष पदाचेर निवड जाली. 2023-25 ह्या कार्यकाळा खातीर निवडिल्ली समिती अशी जावन आसा – उपाध्यक्ष भो. फरीदा धारवाड. जोड सचीव भो. समीर अवदी, भांडारी भो. लिना नायक, सचीव भो. प्रिता नायक देसाय वांगडी भो. राजू बलनाईक, भो. गिता प्रभूगांवकर, भो. अपर्णा पै रायतुरकर, भो. अंकिता पावसे, भो. एकता पार्सेकर, मुख्याध्यापिका अक्षता व्यास.
कोंकणी भाशा मंडळाची अध्यक्ष भो.अन्वेषा सिंगबाळ हांणी आपल्या उलोवपात सांगले जे नवीन शिक्षणीक धोरणान आसा तातुंतल्यो खुबश्यो गजाली आमी आमच्या विद्याभुवन कोंकणी शाळेंत केल्यात आनी करतात ताची आमकां खोस भोगता आनी समाधानय आसा. ह्या वेळार शाळा वेवस्थापन समितीचे अध्यक्ष भो. चेतन आचार्य आनी शाळेचे वेवस्थापक भो. अनंत अग्नी हांणी पालकांक मार्गदर्शन केलें.
ह्या बसकेचे सुत्रसंचालन शिक्षिका अपेक्षा मांजरेकर हिणे केलें आनी उपकार पालक शिक्षक संघाची उपाध्यक्ष प्रिया नायक हांणी मानलें.
