कोंकणी भाशा मंडळाचो वर्सुकी पुरस्कार भेटवण सुवाळो 3 एप्रीलाक व्हडा दबाज्यान मडगांवांत रवीन्द्र भवनांत जातलो. जेश्ठ साहित्यीक महाबळेश्वर सैल मुखेल सोयरे म्हणून सुवाळ्याक हजर रावतले.
उषा राणे, अध्यक्ष, अखिल भारतीय कोंकणी परिशद, सदानंद काणेकार, जेश्ठ कोंकणी कार्यकर्तो, प्रदीप डा कोस्ता, अध्यक्ष, वेर्णा उद्देगीक संघटना, प्रकाश कापाडिया, उद्देजक, सुरेंद्र नायक, अतिरिक्त जिल्लोधिकारी – I, दक्षीण गोंय जिल्लो मानाचे सोयरे म्हणून हजर रावतले.
सांजेच्या 4.30 वरांचेर जावपी ह्या सुवाळ्याक मंडळाचे वर्सुकी साहित्य, सेवा, शिक्षण, पत्रकारिता आनी कार्यकर्तो पुरस्कार भेटयतले. तेच बराबर शालान्त आनी उच्च माध्यमीक परिक्षेंत कोंकणींत चड गूण मेळयिल्ले खातीर विद्यार्थ्यांक इनामां भेटयतले. स. पद्मजा माणिकराव गावणेकार शिश्यवृत्तीय ह्या वेळार भेटयतले. ह्या वेळार मंडळाच्या विद्याभुवन कोंकणी शाळा आनी रवीन्द्र केळेकार ज्ञानमंदिराचे विद्यार्थी तशेंच शिक्षक रंगरंगयाळी गीत तशेंच नाचाची कार्यावळ सादर करतले.
कोंकणी भाशा मंडळाचे बरें मागपी तशेंच साहित्य रसिकांनी ह्या सुवाळ्याक मुजरत हजर रावचें असो उलो मंडळान मारला.
2021 वर्साचे पुरस्कार सकयल दिल्ले प्रमाण आसात:
कोंकणी भाशा मंडळ पुरस्कृत सेवा पुरस्कारः
सुरेश पै
सॅराफीन कोता पुरस्कृत फेलिसियु कार्दोज यादस्तीक शिक्षक पुरस्कारः
अनंत अग्नी
जुजे पियेदाद क्वाद्रुस यादस्तीक कार्यकर्तो पुरस्कारः
शिरीश पै
लिगोरियो फुर्ताद ट्रस्ट पत्रकारिता पुरस्कारः
फा. किरीयेल डिसौझा
दिनेश मणेरकार पुरस्कृत चंद्रकांत केणी यादस्तीक स्तंभलेखन पुरस्कार:
महेश दिवेकार
दिनेश मणेरकार पृरस्कृत रामनाथ मणेरकार यादस्तीक अणकार पुरस्कार:
पांडुरंग नाडकर्णी (पुस्तक –पाखांट्याबगर भुर्रर्र)
स. नरसिंह दामोदर नायक यादस्तीक साहित्य पुरस्कार:
फा. मायरन जेसन बार्रेटो (पुस्तक – ओपारीन्तल्यान संदेश – निबंद)
स. रॉक बार्रेटो यादस्तीक साहित्य पुरस्कार:
स. श्रीधर कामत (पुस्तक –बेसूर- नाटक)
कोंकणी भाशा मंडळ पुरस्कृत रमेश वेळुस्कार यादस्तीक साहित्य पुरस्कार:
वामन टाकेकार (पुस्तक – दर्या धन– कादंबरी)
मनोहरराय सरदेसाय यादस्तीक बाल साहित्य पुरस्कारः
अंदूं दिवंक ना.
पद्मजा माणिकराव गावणेकार प्रपत्र लेखन सर्त इनाम
सखाराम बोरकार
शिक्षणीक पुरस्कार 2021
धावी यत्ता 100%
पुरशोत्तम उर्फ दिपतम राजेंद्र पै वैद्य
सर्वोदय एज्युकेशन सोसायटी हायस्कूल, कुडचडें-गोंय
बारावी यत्ता 98%
निशा रामनाथ पै
मुष्टिफंड उच्च माध्यमीक विद्यालय, कुजिरा, बांबोळें
ब्लुमेना अमेलिया कुलासो
डॉन बॉस्को उच्च माध्यमीक विद्यालय, पणजी
यशस्वी आनंद तुळस्कर
सेंट झेवियर्स उच्च माध्यमीक विद्यालय, म्हापशें
प्राजक्ता पांडुरंग घाडी
डीसीटीज् वसंतराव धेंपो उच्च माध्यमीक विद्यालय, मिरामार
दिपांक्षा दयानंद गांवकार
श्रीमती चंद्रबागा तुकोबा नायक उच्च माध्यमीक विद्यालय, कुडचडें
