कोंकणी भाशा मंडळ, गोंयचो 59वो वर्धापन दीस 30 सप्टेंबर 2021 दिसा ऑनलायन माध्यमांतल्यान जातलो. जेश्ठ साहित्यीक भौ. देविदास कदम ह्या वेळार मुखेल सोयरे म्हणून हजर आसतले जाल्यार कोंकणी कार्यकर्ते अँथनी वाझ हे मानाचे सोयरे म्हणून हजर रावतले.
मडगांवच्या कोंकणी भवनांत सांजेच्या 5.00 वरांचेर जावपी ह्या सुवाळ्याक मंडळाचे वर्सुकी साहित्य, सेवा, शिक्षण, पत्रकारिता, स्तंभलेखन, बाल साहित्य आनी कार्यकर्तो, पुरस्कार प्राप्त जैतीवंतांचीं उलोवपां ऑनलायन माध्यमांतल्यान जातलीं. तशेंच तांच्यो प्रतिक्रिया प्रेक्षकांक आयकूंक मेळटल्यो. ऑनलायन पद्धतीन जावपी 30 सप्टेंबराचे कार्यावळींत कोंकणी गीत आनी नाचांची कार्यावळ मंडळान आसपावीत केल्या. ही कार्यावळ मंडळाच्या https://www.youtube.com/c/KonkaniBhashaMandalGoa ह्या यू-ट्यूब चॅनलाचेर तशेंच www.facebook.com/KonkaniBhashaMandal ह्या फेसबूक पेजीचेर लायव आसतली.
मानेस्तांक पुरस्कार भेटोवपाचो सुवाळो कोवीड-19 महामारीची परिस्थिती सुदारल्या उपरांत मंडळ घडोवन हाडटले. कोवीड-19 संबंदीत मार्गदर्शक तत्वांचें पालन करून ही सुपुल्लीशी कार्यावळ जातली. कोंकणी भाशा मंडळाच्या बर्या मागप्यांनी तशेंच साहित्य रसिकांनी ऑनलायन कार्यावळीचो आसवाद घेवचो असो उलो, मंडळाची अध्यक्ष अन्वेषा सिंगबाळ हांणी मागला.
2021 वर्सांचे पुरस्कार सकयल दिल्ले प्रमाण आसात:
कोंकणी भाशा मंडळ पुरस्कृत सेवा पुरस्कारः
भौ. सुरेश पै
सॅराफीन कोता पुरस्कृत फेलिस्यु कार्दोज यादस्तीक शिक्षक पुरस्कारः
भौ. अनंत अग्नी
जुजे पियेदाद क्वाद्रुस यादस्तीक कार्यकर्तो पुरस्कारः
भौ. शिरीश पै
लिगोरियो फुर्ताद ट्रस्ट पत्रकारिता पुरस्कारः
भौ. फा. किरीयेल डिसौझा
दिनेश मणेरकार पुरस्कृत चंद्रकांत केणी यादस्तीक स्तंभलेखन पुरस्कार:
भौ. महेश दिवेकार
दिनेश मणेरकार पृरस्कृत रामनाथ मणेरकार यादस्तीक अणकार पुरस्कार:
भौ. पांडुरंग नाडकर्णी (पुस्तक –पाखांट्याबगर भुर्रर्र)
स. नरसिंह दामोदर नायक यादस्तीक साहित्य पुरस्कार:
भौ. फा. मायरन जेसन बार्रेटो (पुस्तक –ओपारीन्तल्यान संदेश- निबंद)
स. रॉक बार्रेटो यादस्तीक साहित्य पुरस्कार:
स. श्रीधर कामत (पुस्तक –बेसूर- नाटक)
कोंकणी भाशा मंडळ पुरस्कृत रमेश वेळुस्कार यादस्तीक साहित्य पुरस्कार:
भौ. वामन टाकेकार (दर्या धन– कादंबरी)
मनोहरराय सरदेसाय यादस्तीक बाल साहित्य पुरस्कारः – अंदूं दिवंक ना.
परिक्षक मंडळ:
साहित्य पुरस्कारः प्रो. डॉ. प्रकाश वजरीकार, वसंत भगवंत सावंत आनी मार्कूस गोन्साल्वीस
बाल साहित्य पुरस्कारः प्रशांती तळपणकार, रामनाथ गावडे आनी नयना आडारकार
सेवा पुरस्कारः डॉ. हरिश्चंद्र नागवेकार, संदेश प्रभुदेसाय आनी झिलू गांवकार
कार्यकर्तो पुरस्कारः डॉ. प्रकाश पर्येंकार, सॅराफीन कोता आनी अनंत अग्नी
शिक्षक पुरस्कारः अरुणा पाटणेकार, सुदेश नायक आनी डॉ. सोनिया शिरसाट
पत्रकारिता आनी स्तंभलेखन पुरस्कारः फावस्तो दा कोस्ता, प्रकाश कामत आनी अनील पै.
