देशाचे उदरगतीक मनीसपणाचो धर्म आनी एकचार म्हत्वाचो: स्नेहा सबनीस

0

कोंकणी भाशा मंडळ संचालीत विद्याभुवन कोंकणी शाळा आनी रवीन्द्र केळेकार ज्ञानमंदिर हांच्या पालवान 75वो स्वतंत्रताय दीस व्हडा दबाज्यान मनयलो.

मडगांवच्या कोंकणी भवनांंत आयोजीत केल्ले कार्यावळीक मुखेल सोयरी म्हणून अनुवादक आनी कोंकणी कार्यकर्तें स्नेहा सबनीस हाजीर आसलें.

ह्या वेळार कोंकणी भाशा मंडळाचे अध्यक्ष अन्वेषा सिंगबाळ, रवीन्द्र केळेकार ज्ञानमंदिराचे वेवस्थापकी समितीचे अध्यक्ष प्रशांत नायक, विद्याभुवन कोंकणी शाळा वेवस्थापन समितीचे अध्यक्ष चेतन आचार्य, विद्याभुवन कोंकणी शाळेची मुख्याध्यापिका अक्षता व्यास, रवीन्द्र केळेकार ज्ञानमंदिराचे मुख्याध्यापक अनंत अग्नी, विद्याभुवन कोंकणी शाळेच्या पालक शिक्षक संघाचे अध्यक्ष स्मिता आळवे, रवीन्द्र केळेकार पालक शिक्षक संघाचे अध्यक्ष अनुप मडकयकार आनी हेर मानेस्त हजर आसले.

कोंकणी भाशा मंडळ संचालीत विद्याभुवन कोंकणी शाळा आनी रवीन्द्र केळेकार ज्ञानमंदिर शाळा आनी संस्था एकचारान वावर करतात. अशे तरेन सगल्यांनी एकठांय येवन आमी तांचो आदर्श मुखार दवरून एकठांय वावरूंक जाय. तशेंच संकटा वेळार मनीसपणाचो धर्म आमी विसरूंक जायना म्हणपाचें मुखेल सोयरी अनुवादक स्नेहा सबनीस हांणी म्हणलें.

आमी आमचीं कर्तव्यां आनी जापसालदारकी विसरूंक नजं. आमी जामता तशें देशाचे उदरगती खातीर योगदान दिवंक जाय अशें कोंकणी भाशा मंडळाची अध्यक्ष अन्वेषा सिंगबाळ हांणी म्हणलें.

सुत्रसंचालन शिक्षक विशाल सिनाय खांडेपारकार हांणी केलें. मुख्याध्यापक अनंत अग्नी हांणी उपकार मानले.

उपरांत शाळेचे विद्यार्थी, शिक्षक आनी पालक शिक्षक संघाच्या वांगड्यांनी गीत संगीताची कार्यावळ सादर केली.

LEAVE A REPLY

Please enter your comment!
Please enter your name here